Опубликовано: 24 August 2017

Котьку мед луоз "Шундыкар"!

20-29-тӥ гудырикошконэ 2017-тӥ аре «Ёлочка» лагерьын радъяське «Быгатӥсь нылпиос понна «Шундыкар» улосвылкуспо смена. Туэ Шундыкарлы 25 ар, соин ик вань ужрадъёс герӟаськемын луозы та лыдпусэн. Котьку сямен татчы шутэтскыны но визьнод басьтыны Удмуртиысь сяна Башкортостанысь, Татарстанысь, Перм улосысь нылъёс но пиос вуизы. Егитъёсын мыло-кыдо ужало элькунысьтымы тодмо егит ӧнерчиос: дизайнер Полина Кубиста, суредась Чудья Жени, тележурналист Вероника Ваулина но мукет. Тросэз соос ас дыраз «Шундыкар» пыр потэмын. Удмурт егитъёслэн «Шунды» мерлыко огазеяськонзылэн кивалтӥсезлэн Алина Черновалэн верамезъя, уж нуиське таӵе ӧръёсъя: крезьгуро инструментъёсын шудон, театр, фольклор, дӥськут дизайн, крезь лэсьтон, эстрада, видеоискусство, литература, эктон.

29-тӥ гудырикошконэ пиналъёс возьматозы ваньзэ, малы дышизы соос та вакчи дыр куспын.

Ватсаса ивортодэт басьтыны луэ таче телефонъя: т.8-951-218-35-33 Алина Чернова, удмурт егитъёслэн "Шунды" мерлыко огазеяськонзылэн кивалтӥсез.



Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,