Опубликовано: 27 July 2017

Туспуктэмъёсъя «Русская цивилизация» калыккуспо вожвылъяськон

Россиысь Йӧскалык ужпумъёсъя федерал агентство «Русская цивилизация» нимо туспуктэмъёсъя калыккуспо вожвылъяськон ялэ.

«Ӟуч цивилизация – со ӟуч кылын вераськись но малпаськись пӧртэм выжыысь калыкъёслэн лулчеберетсылэн пӧлэсьтӥськемзы. Та бадӟым ӵектос юрттоз возьматыны тӥлесьтыд быгатонлыктэс», - тазьы вазиськиз агентстволэн кивалтӥсез Игорь Баринов.

Туспуктэмъёсъя вожвылъяськон кыстӥськоз 17-тӥ пӧсьтолэзьысен 2-тӥ куарусёнозь. Татчы пыриськыны быгато Россилэн котькуд улосысьтыз но кун сьӧрысь удысужзыя туспуктӥсьёс но та ужен яратыса вырисьёс.

Келям ужъёсты дунъялоз жюри, кудаз пыро: актриса Ирина Безрукова, телеведущий но дуннеез котыръясь Михаил Кожухов, туспуктӥсь Антон Ланге, «Культура» телеканалысь «Россия, любовь моя» программалэн нуисез Пьер Броше. Вожвылъяськонэ пыриськисьёс таӵе номинациосъя 1-5 туспуктэм (2012-тӥ арлэсь вазь лэсьтэмын медаз луэ) келяны быгато: «Инкуазь», «Тусъёс», «Бадӟым кунлэн сям-йылолъёсыз», «Архитектура но скульптура», «Калык творчество».

Вормисьёслэн нимъёссы тодмо луозы жюрилэн ужъёсты эскеремез но калыклэн куара сётэмез бере. Тужгес но ӟеч туспуктӥсьёсты данъялозы куарусён толэзе Мускоын.



Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,