Опубликовано: 28 November 2016

Тодмо луизы "СМИротворец" вожвылъяськонлэн вормисьёсыз

24-тӥ шуркынмонэ «Геликон-Опера» театрын ивортодэт вӧлмытон удысын калык кусыпъёсты возьматонлы сӥзем программаослэн "СМИротворец" огъя Росси вожвылъяськонзылэсь вормисьёссэ данъян ужрад ортчиз.

Туэ вожвылъяськонэ Россия Федерациысь 85 улосъёсысьтыз 7000-лэсь ятыр ужъёс келямын вал. Соос пӧлысь 134-ез гинэ шорт-листэ пыртэмын вал.

Котькуд ар вожвылъяськонын дышем номинациос борды: «Телевидение», «Радио», «Печать», «Интернет», «Детские и молодежные СМИ» - выль номинация бырйиське. 2016-тӥ арлэн выль ӧрез - «Актуальная традиция».

ТРК «Моя Удмуртия» та номинациын «Этника» ӵектосэныз 2-тӥ инты басьтӥз. Жюрилы возьматэмын вал передачалэн 1-тӥ выпускез, кудӥз сӥземын удмуртъёслэн лулчеберетсылы. Программаын егитъёс верало Удмуртиын улӥсь калыкъёслэн пӧртэмлыкъёссы сярысь. Ӵектос бордын ужало журналист Елена Слесарева, телеоператор Юрий Егоров, режиссёр-монтажёр Мария Фёдорова но звукорежиссёр Юрий Шкляев. Проект быдэстӥське Удмурт Элькунысь йӧскалык политикалэн юрттэмез улсын.

Ӟечкыласькомы вормисьёсты!

Туспуктэм: ТРК "Удмуртия"



Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,