Опубликовано: 20 September 2016

Этнографъёс симпозиуме люкаськозы

22-23-тӥ куарусёнэ Архитектурая но этнографияя "Лудорвай" музей-заповедник Исторяя, кылъя но литературая институтэн ӵош «МУДОР: Сакральное пространство в культуре народов Урало-Поволжья» нимо Этнографияя II Калыккуспо симпозиум ортчытозы.

Мудор вашкала удмуртъёслэн осконазы бадӟым инты басьтэм. Выжылэн огазе люкаськон интыез луэ вылэм. Симпозиумын Урал но Волга котырын улӥсь калыкъёслэн улоназы вӧсяськонъёслэсь интызэс эскерозы. Бадӟым саклык висъялозы экспедициосысь материалъёслы, Урал но Волга котрын улӥсь калыкъёслэсь инмарлы осконзэс эскерыку междисциплинарной подходэз кутонлы, калыкъёслэсь лулчебретсэс но историзэс дышетонын но азинтонын музейёслэсь интызэс но быгатонлыкъёссэс эскеронлы. Ужрадэ Россиысь пӧртэм каръёсысь: Костромаысь, Пермьысь, Казаньысь, Уфаысь, Самараысь, Новгородысь, Тобольскысь, Екатеринбургысь - 43 тодосчиос но музейёсысь ӧнерчиос пыриськозы. Озьы ик Франциысь, Эстониысь но Австриысь тодосчиос вуозы.

22-тӥ куарусёнэ 11.00 часэ симпозиум улсын Архитектурая но этнография "Лудорвай" музей-заповедникын «Быдӟым Куала» экспозициез усьтон ужрад ортчоз. Куала Варклет-Бӧдьяысь XX даурлэн кутсконысьтыз куалая лэсьтэмын.

Озьы ик симпозиумлэн программаяз пыртэмын Владимр Наговиынлэн суредъёсыныз "Верю солнцу на заре" но Е.Мальцевалэн, А. Ханыковлэн, Р. Постниковалэн ужъёсынызы «Сотворение мира» адӟытонъёсын тодматскон.

Ивортодэт герӟетъёс: тел./факс: (3412)904-007; вотэсбам www.ludorvay.ru.



Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,