Опубликовано: 16 September 2016

«Гербер» устоосыз пӧлын!

Удмурт калыклэн «Гербер» шулдыръяськонэз туризм удысъя «Russian Event Awards» йӧскалык премилэн Приволжск но Урал федерал округъёсъя финалаз потӥз но 3-тӥ инты басьтӥз.

Финал ортчиз 14-15-тӥ куарусён толэзе Ульяновскын. Татчы «Гербер» ӵектос сяна, Урал но Приволжск федерал округъёсысь 130 ӵектосъёс пыриськизы. Огъя 16 улосъёсысь 193 заявка келямын вал.

2016-тӥ арын туризм удысъя «Russian Event Awards» йӧскалык премилэн нимаз улосвылъёсъя 4 финалъёсыз радъяськозы: г. Владивосток – Сибирь но Дальневосточной федерал округъёс, г. Елец — Северо-Западной но Центральной федерал округъёс, г. Ростов-на-Дону – Южной, Северо-Кавказской но Крым федерал округъёс, г. Ульяновск – Приволжской но Урал федерал округъёс. Улосвылкуспо вожвылъяськонын вормисьёс финалэ пыриськозы, кудӥз ортчоз коньывуон толэзе Ярославльын.

Туризм удысъя «Russian Event Awards» йӧскалык премия туризм удысысь тужгес но усто но азинлыко ӵектосъёсты шараян, соосты улонэ пыӵатыны юрттон вылысь ортчытӥське. Нялтас вераса, кылем арын 688 ӵектосъёс пӧлысь Удмурт Элькунысь йӧскалык политикая министрестволэн «Пельняньлэн нуналэз» ӵектосэз кыкетӥ инты басьтӥз.



Информационно-аналитическоe управление Администрации города Ижевска © 1998-2017г.

При любом использовании материалов сайта ссылка на www.izh.ru обязательна
вход авторов,