Опубликовано: 30 July 2015

Вожвылъяськонлы йылпумъянъёс

Удмурт Элькунысь йӧскалык политикая министерство элькунысьтымы мерлыко огазеяськонъёслы калыкъёслэсь кусыпъёссэс но ог-огзэсты валанзэс азинтыны юрттӥсь ӵектосъёсты быдэстыны субсиди сётон вылысь вожвылъяськон ортчытӥз. Вормисьёслы коньдон висъяське «Россиын улӥсь калыкъёслэсь кусыпъёссэс юнматон но лулчеберетсэс азинтон (2014–2020-тӥ аръёс)» нимысьтыз ужась федерал кун программаез но «2013–2020-тӥ аръёсы йӧскалыкъёслэсь кусыпъёссэс юнматон но мерлыко улонзэс азинтон» Удмурт Элькунысь кун программаез быдэстон улсын. Вожвылъяськонлэн валтӥсь мугез: мерлыко огазеяськонъёслы калык кусыпъёсты радъяны, эстремизмлы но терроризмлы пумит нюръяськыны юрттон.

Вожвылъяськонэ сётэмын вал 18 ӵектос, соос пӧлысь 6-лы висъяськоз коньдон. Ужъёсты дунъякузы ӧрилэн ёзчиосыз саклык висъязы соослэн йӧскалыккуспо луэмзылы, выль амалъёсын быдэстӥськемезлы, трос калыкез, тужгес но быдэ вуымтэосты, кыскын луонлыксылы.

Озьыен, вормисе потӥзы таӵе ӵектосъёс:

1. Покчиёзо школаысь дышетӥсьёслы йӧскалык тематикая вотэс бам кылдытон – «Удмуртиысь калыкъёслэн ассамблеязы» мерлыко огазеяськонлэн ӵектосэз;

2. Мерлыко огазеяськонъёс куспын «ЧТО? ГДЕ? КОГДА?» шудон ортчытон – Удмуртиысь азербайджанъёслэн «Достлуг» мерлыко огазеяськонзылэн ӵектосэз;

3. «Калыклэн героез – страналэн героез» темалы вакчи фильмъёс лэсьтон – еврейёслэн марлыко огазеяськонзылэн ӵектосэз;

4. «Вордӥськем шаерез яратыса» - «Удмуртиысь бигеръёслэн мерлыко центрзы» мерлыко огазеяськонлэн ӵектосэз;

5. Мерлыко огазеяськонъёслэн «Нет границ» форумзы – коммерциен герӟаськымтэ «Информационно-образовательный центр «Этноресурс» огазеяськонлэн ӵектосэз;

Гудырикошкон толэзе вожвылъяськонлэн кыкетӥ этапез радъямын луоз.

Ватсаса ивортодэт басьтыны луэ таӵе телефонъя: (3412) 68-77-98 – Васева В.В., министерствоысь план лэсьтонъя но этнокультура азинтонъя ёзэтлэн кивалтӥсез.

udm.minnac.ru



Информационно-аналитическоe управление Администрации города Ижевска © 1998-2016г.

При любом использовании материалов сайта ссылка на www.izh.ru обязательна
вход авторов,