Опубликовано: 02 June 2015

Камлэн ӝужыт ярдуръёсаз...

28-31-тӥ куартолэзе Сарапул ёросын ӟуч лулчеберетлы сӥзем «Высокий берег» фестиваль ортчиз. Туэ со ньылетӥзэ радъяськиз. Татчы пыриськизы Казаньысь, Йошкар-Олаысь, Санкт-Петербургысь, Чайковскийысь но Удмуртиысь коллективъёс.

Фестивалез радъязы ӟуч лулчеберетъя Удмурт Элькунысь огазеяськон, «Сарапул ёрос» муниципал кылдытэт Администраци, ӟуч лулчеберетъя огазеяськонлэн Сарапулысь ёзэтэз, «Сарапул ёрос» муниципал кылдытэт Администрациысь лулчеберетъя но ёгитъёсын ужан политикая кивалтонни Удмурт Элькунысь йӧскалык политикая но Удмурт Элькунысь лулчеберетъя но туризмъя министерствоослэн юрттэмзы улсын.

28-тӥ куартолэзе куноос вуизы, пумитазы соосыз «Кама» шутэтскон базаын, нош ӝытазе вань коллективъёс Дулесово черкогуртэ вуизы. Татын «Семик» праздник ортчытӥзы. Самой та праздник Тройчаез пусъёнлы кутскон сётэ. Котькудӥз коллектив аслаз улосысьтыз йылолэз возьматӥз. Татын ик арганлэн шулдыр гуръёсыз улсын тодматскон ӝыт но ортчиз.

29-тӥ куартолэзе куноосты ӟечкыланы вуизы «Сарапул ёрос» муниципал кылдытэтлэн тӧроез Игорь Асабин, ӟуч лулчеберетъя Удмурт Элькунысь огазеяськонлэн кивалтӥсез Сергей Фефилов, Удмурт Элькунысь Кун Кенешлэн депутатэз Валерий Бузилов, Удмурт Элькун Кивалтэт бордысь КИАГ ужъёсъя кивалтоннилэн кивалтӥсез Людмила Попова, «Дулесовское» муниципал кылдытэтлэн тӧроез Сергей Лагунов, Удмурт Элькунысь йӧскалык политикая министрлэн воштӥсез Людмила Соковикова, Калыкъёслэн Эшъяськон юртсылэн кивалтӥсез Алексей Шуклин, Удмурт Элькунысь физкультурая, спортъя но егитъёсын ужан политикая министрлэн воштӥсез Илья Кычанов.

Тройча шулдыръяськонъёсты Дулесово черкогурт кузя кырӟан-шудонъёс азинтӥзы. Лулчеберт юртын Удмуртиысь ёросъёсысь коллективъёс куноосты асьсэлэн кырӟан-эктонъёсынызы шулдыртӥзы. Егитъёс шулдыръяськизы кырын. Шулдыр арган гуръя эктӥзы пичиос но, пересьёс но. 30-тӥ куартолэзе куноос Кам кузя катерен уязы. Бӧрысь коллективъёс Сарапул ёросысь гуртъёсы кошкизы. Юрино, Выезд, Мазунино, Яромаска, Нечкино черкогуртъёсын соос интыысь ӟуч лулчеберетэн, калык кырӟанъёсын, сям-йылолъёсын тодматскизы. Нош ӝытазе ваньзы огинэ гала-концертэ люкаськизы.

http://udm.minnac.ru/



Информационно-аналитическоe управление Администрации города Ижевска © 1998-2016г.

При любом использовании материалов сайта ссылка на www.izh.ru обязательна
вход авторов,