Опубликовано: 06 May 2015

Быдӟым Вормонлы сӥзьыса

Быдӟым Атыкай ожын Вормонлы 70 ар тырмонлы сӥзьыса Удмурт Элькунысь йӧскалык мерлыко огазеяськонъёс Калыкъёслэн эшъяськон юртсылэн юрттэменыз улсын пӧртэм ужрадъёс ортчытозы.

«Общинный центр еврейской культуры Удмуртской Республики» мерлыко огазеяськон оштолэзе но куртолэзе «Герои страны – герои своего народа» ӵектос радъя.Та ӵектос улсын Элькунысь педагогикая колледжысь студентъёслы «Герои страны – герои своего народа» огъя нимо лекциос лыдӟозы. Отын басьтэм тодон-валанзэс студентъёс возьматозы эссе гожтонъя «Герои России — национальные герои народов России» вожвылъяськонэ пыриськыса.Вожвылъяськонлэн финалэз радъяськоз куартолэзьлэн нырысетӥ ӝыныяз.

5-тӥ куартолэзе Калыкъёслэн эшъяськон юртазы «Дружба народов - дорога к Победе» нимо адӟытон усьтӥськоз. Татын тодматскыны луоз мерлыко огазеяськонъёслэн ёзчиоссылэн ваем туспуктэмъёссынызы, книгаоссынызы, суредъёсынызы. Адӟытон усьтӥськоз 16.00. часын.

7-тӥ куартолэзе элькунысь «Таджикский общественный центр Удмуртии «Ориён-Тадж» («Благородные») мерлыко огазеяськон Удмурт Элькунысь ветеранъёслэн огазеяськонэнызы ӵошен Быдӟым Атыкай ожын Вормонлы 70 ар тырмонлы сӥзьыса концерт радъялозы. Ужрад Железнодорожникъёслэн лулчеберет юртазы ортчоз.

8-тӥ куартолэзе Калыкъёслэн эшъяськон юртсы, Удмурт Элькунысь мерлыко огазеяськонъёс, «Культурный капитал Ижевска» фонд «Война и мир в веках и песнях» концерт радъялозы. Концертэ пырисько Надежда Уткина, Николай Копысов, Сергей Дитятев, «Русь» хор, «Споем вместе» женевской ансамбль. Кутскоз ужрад 17.00 часын.

9-тӥ куартолэзе казакъёслэн мерлыко огазеяськонзылэн ёзчиосыз пыриськозы Вормонлы сӥзем ужрадъёсы.

9-тӥ куартолэзе Удмурт Элькунысь армянъёслэн «Урарту» мерлыко огазеяськонзы армян черк дорын концерт радъялоз.

20-тӥ куартолэзе егитъёслэн «Союз русской молодежи «Спас» Удмуртской Республики» мерлыко огазеяськонзы «Голос победы» вожвылъяськон радъялоз. Вожвылъяськонын таӵе номинациос луозы: туспуктэмъёс, видео фильмъёс, вокал. Арлыд категориос: 14-16 арес, 16-18 арес, 18-23 арес, 23 но бадӟым.

http://udm.minnac.ru/




Информационно-аналитическоe управление Администрации города Ижевска © 1998-2016г.

При любом использовании материалов сайта ссылка на www.izh.ru обязательна
вход авторов,