Опубликовано: 03 March 2015

Коллегия

3-тӥ южтолэзе Калыкъёслэн эшъяськон юртазы Удмурт Элькунысь йӧскалык политикая министерстволэн Коллегиезлэн паськытатэм кенешез ортчиз. 2014-тӥ арлы йылпумъянъёс лэсьтэмын, ужан арлы валь ужъпумъёс тодмостэмын.

Коллегие пыриськизы мерлыко огазеяськонъёслэн кивалтӥсьёссы но ёзчиоссы, муниципал кылдытэтъёсысь но каръёсысь азьветлӥсьёс, Калыкъёслэн эшъяськон юртсылэн ӧнерчиоссыз. Нимысьтыз ӧтем куноос пӧлын – Удмурт Элькун Тӧролэн но Кивалтэтлэн Администрациезлэн кивалтӥсез А.И. Гальцин, Удмурт Элькунысь лулчеберетъя но туризмъя министрлэн воштӥсез П.П. Данилов, Федерал миграци службалэн Удмурт Элькунъя кивалтонниезлэн кивалтӥсез С.А. Ислентьев. Видеоконференция амалэн ужрадэ пыриськиз М.А. Лянге, Журналистъёслэн йöскалыккуспо гильдизылэн президентэз.

2014-тӥ арлы йылпумъян лэсьтӥз Удмурт Элькунысь йӧскалык политикая министр Л.Н. Буранова. Лариса Николаевна нимысьтыз саклык висъяз йӧскалык политикаез но калык кусыпъёсты чаклась федерал но элькун эсэплыко-эрикрадъем актъёслы, 2015-тӥ арын быдэстоно ужпумъёсты пусйиз.

Докладъёс озьы ик лыдӟизы на Удмурт Элькунысь йӧскалык политикая министерствоысь этнокультураез азинтонъя ёзэтлэн кивалтӥсез А.В Габдуллина, «ДК Электрон – Центр возрождения и развития национальных культур» МКВ ЛУ кивалтӥсез Е.Л. Шохина, «Союз марийцев Удмуртии «Одо Мари Ушем» мерлыко огазеяськонлэн кивалтӥсез Н. Д. Телицина, «Республиканский центр развития детского и молодежного движения» УЭ КВУ кивалтӥсез О.В. Бускина. 

Пыр-поч ивортодэт: http://udmddn.ru/news/2023/

http://udm.minnac.ru/



Информационно-аналитическоe управление Администрации города Ижевска © 1998-2016г.

При любом использовании материалов сайта ссылка на www.izh.ru обязательна
вход авторов,