Опубликовано: 11 February 2015

Дышетон семинаръёс радъясько Калыкъёслэн эшъяськон юртазы

9-12-тӥ тулыспалэ Калыкъёслэн эшъяськон юртазы «Деятельность ресурсного образовательно-методологического центра в сфере национальных отношений» и «Модель информационного центра в сфере государственной национальной политики» нимо семинаръёс радъясько.

Семинаре вуозы Башкортостанысь, Марий Элысь, Чувашиысь, Мордовиысь, Татарстанысь, Пермь, Самара, Нижний Новгород, Ульяновск, Оренбург улосъёсысь куноос. Соос пӧлын Россиысь калыкъёслэн ассамблеязылэн ёзчиосыз, этнологъёс, мерлыко огазеяськонъёслэн кивалтӥсьёссы, Калыкъёслэн эшъяськон юртъёссылэн директоръёссы.

Семинарез нуозы – Борис Островский, тодмо тренер методолог, но Маргарита Лянге, Журналистикая калыккуспо гильдилэн Президентэз.

Ужрадлэн валтӥсь ужпумез - йӧскалык политика удысысь ванёс центрлэсь ужан ӧрзэ малпан. Удмурт Элькунлэн Тӧроез Александр Васильевич Соловьёв куноослы пумитан кылын вазиськыкуз пусйиз семинарлэсь калык кусыпъёсты юнматон удысын бадӟым кулэлыксэ.

Семинаре пыриськисьёслы ӟеч ужан мылкыд сӥзьыса вазиськизы Россиысь калыкъёслэн Ассамблеязылэн Президентэз Светлана Константиновна Смирнова, Удмурт Элькунысь йӧскалык политикая министр Лариса Николаевна Буранова, Россиысь калыкъёслэн Ассамблеязылэн ванёс центрезлэн директорез Алесандр Плотников.  

http://udm.minnac.ru/



Информационно-аналитическоe управление Администрации города Ижевска © 1998-2016г.

При любом использовании материалов сайта ссылка на www.izh.ru обязательна
вход авторов,