Опубликовано: 03 December 2014

«Пичи Чеберайёс но Батыръёс» вожвылъяськонлэн вормисьёсыз ялэмын

26-тӥ шуркынмонэ Калыкъёслэн эшъяськон юртазы «Пичи Чеберайёс но Батыръёс» нимо III элькун нылпи фестивальлэн финалэз ортчиз.

Татчы пыриськизы Ижкарысь, Глазкарысь, Балезино, Глаз, Дэбес, Кез, Красногорск, Юкаменск но Яр ёросъёсысь нылпи садэ ветлӥсь пиналъёс. Туэ ужрадэ пыриськизы 20 ёросысь но 4 карысь огъя 350 пиналъёс. Та нуналэ сцена вылэ удмуртъёс гинэ ӧз потэ, ӟуч н армян пиналъёс но вал пӧлазы. Кин ке мылысь кыдысь вераз аслаз семьяез сярысь, кин ке вордӥськем гуртэз но эшъяськон сярысь кылбур лыдӟиз, кин ке шулдыр кырӟан кырӟаз.

Вормисьёсты, фестивале пыриськем пиналъёсты, соослэсь дышетӥсьёссэс но анай-атайёссэс ӟечкылазы Удмурт Элькунысь йӧскалык плитикая министрлэн нырысетӥ воштӥсез П.А. Орлов, Удмурт нылкышно кенешлэн кивалтӥсез Н. А. Степанова, Калыкъёслэн эшъяськон юртсылэн директорезлэн воштӥсез Р.В. Солоненко но мукетъёс.

Вормисьёс:

1. Алена Третьякова и Дима Вахрушев (Ижкар к., Октябрь ёрос)

2. Лера Мальцева и Савелий Чирков (Балезино ёрос)

3. Карина Дзюина и Тимоша Поздеев (Глазо ёрос)

4. Оля Белослудцева и Данил Гаврилов (Глазкар к.)

5. Даша Андреева и Глеб Трошков (Дебес ёрос)

6. Вероника Григорьева и Илюша Поторочин (Красногорск ёрос)

7. Кристина Бутолина (Кез ёрос)

8. Аня Зянкина и Артем Попов (Юкаменск ёрос)

9. Арминэ Титизян и Антон Ельцов ( Яр ёрос)

Ужрадэз ортчытӥзы Калыкъёслэн эшъяськон юртсы но Удмурт нылкышно кенеш Удмурт Элькунысь йӧскалык политикая министерствлэн, Удмурт Элькунысь тодосъя но дышетонъя министерстволэн но «Удмурт кенеш» ассоциацилэн юрттэменыз.

http://udm.minnac.ru/



Информационно-аналитическоe управление Администрации города Ижевска © 1998-2016г.

При любом использовании материалов сайта ссылка на www.izh.ru обязательна
вход авторов,