Опубликовано: 18 July 2014

Финн-угор сиёнъёсъя "Быг-Быг" калыккуспо фестиваль

«Быг-Быг» фестиваль финн-угор дуннелэн лулчеберетъя шоркараз валтӥсь ужрад. Ортчоз со Шаркан ёросысь Быги гуртын 18-19-тӥ посьтолэзе. Ужрадэ пыриськозы 1000-лэсь ятыр адямиос, соос пӧлын кун тӧрлыклык ёзэсъёсысь ӧнерчиос, финн-угор мерлыко огазеяськонъёслэн ёзчиоссы, финн-угор сиён-юонэз яратӥсьёс, туристъёс, журналистъёс, элькунын ултӥьёс. Лыктэмзы сярысь ивортӥзы 12 делегациос, соос пӧлын Эстониысь, Финляндиысь, Франциысь, Марий Элысь, Перм но Киров улосъёсысь, элькунмылэн пӧртэм ёросъёсысьтыз куноос.

Фестивальын малавмын ортчытыны турлы ужрадъёс: финн-угор калыкъёслэсь сиён-юонзэс пӧран, веръян, интыысь кибашлыослэн ужъёсынызы вузкарон, гурт туризмъя но йӧскалык киужъёсъя мастер-классъёс, сиён пӧранъя вожвылъяськон, шудон-серектонъёс, коллективъёслэн номеръёссы.

Фестивальлэн ортчытон манерез аспӧртэмлыко луэ; нунал ӵоже ужрадэ пыриськисьёс мылкыд каремзыя веръяны быгатозы соиз я таиз финн-угор калыклэсь дасям сиёнзэс. Со сяна Быгиын улӥсьес пыжозы тужгес но быдӟым Быг-нянь. Фестивальын дасям сиён-юонъёсты басьтыны луоз быги коньдонэн, кудӥз нимаське «быг» шуыса. Одӥг быг – 10 манет сылэ.

18-тӥ пӧсьтолэзе 21.00 часэ фестиваль радын финн-угор сиён пӧранъя вожвылъяськон ортчоз. Татчы пыриськыны быгато котькин, кин мылкыд каре. Вожвылъяськонлэн куронъёсыз: 90 минутскын сётэм сиёнъёслэсь дасяно сиёно но десерт. Ужъёсты дунъялоз жюри.

Кызьы вуоно фестивале?

Шаркан ёросысь Быги гуртэ мыныны луэ автобусэн яке машинаенhttp://bygy.info/kontaktyi/. Озьы ик МДС-тур, РЦТО (Республиканский центр туризма и отдыха), «Ариадна-тур», «Выбор тур», «Турмир», «Отдыхай» турфирмаосы вазьськыны луэ. Тур радъяськоз 19-тӥ пӧсьтолэзе, кыстӥськоз 4 час. Турлэн дуныз 250 манет.

Турлэн программаез:

1. Музее пырон, «Удмуртъёслэн асьсэды ӝӧк сьӧрын возён радзы» экскурсиз учкон.

2. Тол Бабайлэн юртаз вуон, пешникен кутэм нянез веръян.

3. Быги гуртэ Финн-угор сиёнъёсъя калыккуспо фестивале мынон

4. Ватсаса ивортодэт татын: http://bygy.info, http://vk.com/festbyg

http://udm.minnac.ru/



Информационно-аналитическоe управление Администрации города Ижевска © 1998-2016г.

При любом использовании материалов сайта ссылка на www.izh.ru обязательна
вход авторов,