Ижысь пыӵал лэсьтонъя заводлэн Валтӥсь корпусэз


Ижысь пыӵал лэсьтонъя заводлэн Валтӥсь корпусэз быдэстэмын вылӥ классицизм стилен, со XIX даурлэн кутсконысьтыз промышленной архитектуралэн тужгес синмаськымон емышез луэ.

Заводлэсь валтӥсь корпуссэ лэсьтыны кутскизы 1811-тӥ арын А.Ф. Дерябин горной инженерлэн косэмезъя.Ӵектосэз (проектэз) дасяз С.Е. Дудин, кудӥз йылпумъяз Устолыкъя Академиез.

Егит архитектор Россиын нырысьсэ улонэ пыӵатӥз сыӵе технической малпанэз, куке ужан цикл улӥысен вылӥозь радъямын вал: тужгес но огшоры ужъёс-операциос нырысетӥ этажъёсын нуиськизы, нош секытэсьгес ужъёс вылӥосаз азинтӥськизы. Ижкарысь пыӵал-тӥрлык лэсьтонъя завод Россиысь нырысетӥез трос этажъем ужпӧр юрт луиз.

Ньыль этажъем Валтӥсь корпусэз ӝутон 1815-тӥ арозь кыстӥськиз, собере куинь этажъем ӵукшор ласянь флигель выжонэн валче герӟаськиз. Пушсэ тупатъян-лэсьтон 1820-тӥ арозь мынӥз.

1834-тӥ арын оштолэзе Ижкарысь пыӵал лэсьтонъя заводлэн Валтӥсь корпусэз ӝуаз. Сутскизы пуш висъетъёс, куашказ башня. Тылпулэсь бервылъёссэ октон-калтон кутскиз 1836-тӥ арын куартолэзе архитекторъёслэн но инженеръёслэн кивалтэмзыя. Ужъёсын кивалтӥз А.Б. Елфимов. 1838-тӥ арын башня вылэ нош ик тупатӥзы курант часъёсты, кудзэ лэсьтӥзы усточи Штольц но солэн юрттӥсез Р. Глушков.

Заводлэсь юртсэ лэсьтон кыстӥськиз на эшшо дас ар ӵоже, Николай I эксэйлэн чертежъёсызъя сое пумен выльдӥзы. Уж 1844-тӥ арын йылаз-пумаз вуттэмын вал.

Туннэ нуналэ заводлэн Валтӥсь корпусэз но солэн трос ярусъем котырес 50-метръем башняез, кытчы курантъёс интыясько, Ижкарлэн пусэз-символэз луо.

Страна:

Россия
Город:
Ижкар
Адрес:
проспект Дерябина, 3
Поделиться страницей
09.07.2013
Информационно-аналитическоe управление Администрации города Ижевска © 1998-2019г.
При любом использовании материалов сайта ссылка (в Интернете - гиперссылка) обязательна